Millimizlə oyunu buraxan qapıçının koronavirusa yoluxmadığı məlum olub

Millimizlə oyunu buraxan qapıçının koronavirusa yoluxmadığı məlum olub

UEFA Millətlər Liqasının qrup mərhələsinin VI turunun Azərbaycanla oyununu buraxan Lüksemburq yığmasının futbolçusu Antoni Moris növbəti dəfə koronavirus testindən keçib.

Assist.az xəbər verir ki, bu barədə federasiyanın rəsmi saytı məlumat yayıb.

30 yaşlı qapıçıdan götürülmüş ikinci analizin nəticəsi mənfi çıxıb. Belçikanın Virton klubunda çıxış edən təcrübəli qolkiperin infeksiyaya yoluxmadığı məlum olub. Moris yanlışlıq səbəbindən qrup mərhələsinin son turunun oyununda iştirak edə bilməyib.

Qeyd edək ki, Lüksemburq - Azərbaycan oyunu qolsuz heç-heçə ilə başa çatıb.